«Միակողմանի հարձակումն ինքնիշխան պետության վրա պատերազմական գործողություն է եւ դաշնային ու միջազգային իրավունքի խախտում»։ Անդրադառնալով շաբաթ օրը Վենեսուելա ԱՄՆ ներխուժմանը՝ X-ում գրել է պաշտոնը հունվարի 1-ին ստանձնած Նյու Յորքի քաղաքապետ Զոհրան Մամդանին։
Հիշեցնենք․ Վենեսուելայի գերեվարված նախագահին եւ կնոջը մեղադրանք է առաջադրվել հենց Նյու Յորքի դաշնային դատախազության կողմից, այսինքն՝ Նիկոլաս Մադուրոն եւ Սիլիա Ֆլորեսը այս պահին պահվելու են Նյու Յորքում։
«Ռեժիմի փոփոխության այս բացահայտ ձգտումն ազդում է ոչ միայն արտերկրում գտնվողների վրա։ Այն ուղիղ կերպով ազդում է նյույորքցիների վրա, ներառյալ՝ այն տասնյակ հազարավոր վենեսուելացիների, որոնք Նյու Յորքին տուն են կոչում։ Իմ ուշադրության կենտրոնում իրենց եւ բոլոր նյույորքցիների անվտանգությունն է։ Իմ վարչախումբը կշարունակի մշտադիտարկել իրավիճակը եւ արձակել համապատասխան ուղղորդումներ»։
Կարդացեք նաև
Արսեն ԱՅՎԱԶՅԱՆ
