Փաստաբան Արա Զոհրաբյանը թույլ չի տվել կարգալույծ հռչակված Արամայիս Թախմազյանին բարձրանալ Թալինի եկեղեցու խորան: «Դուք չեք կարող ինձ արգելել»,-ասաց Թախմազյանը:
«Կարող եմ, ես Մայր Աթոռի ներկայացուցիչն եմ»,-ասաց Զոհրաբյանը:
«Չկա որեւէ կանոն, որ ինձ արգելի մտնել ավանդատուն, ինձ եկեղեցական օրենք ասեք, որով արգելված է»,-չէր ընկրկում Թախմազյանը: «Ես լիազորված եմ Ձեզ արգելել, դուք խորան եւ ավանդատուն չեք կարող մտնել, դուք եկեղեցական օրենքից դուրս եք, տեր հայրը կգա, կտնօրինի… Արամայիս չեք կարող մտնել, հարգելիս, դուք քահանա չեք»,-ասաց Զոհրաբյանը:
Ի վերջո, Արամայիս Թախմազյանը հեռացավ՝ ասելով, որ չի ցանկանում եկեղեցում վիճել կամ բանավիճել:
Կարդացեք նաև
Հիշեցնենք, որ դեկտեմբերի 31-ին Թալինի Սուրբ Աստվածածին Եկեղեցում հոգևորականների կողմից կատարվելիք «Նռնօրհնեքի» կարգը խոչընդոտվել էր Թալինի համայնքապետի եւ Արամայիս Թախմազյանի կողմից։
Գոհար ՀԱԿՈԲՅԱՆ
