«Ազատություն». Գյումրիի քաղաքապետ Վարդան Ղուկասյանը «Երևան – Կենտրոն» քրեակատարողական հիմնարկից տեղափոխվել է «Արմենիա» հիվանդանոց:
Փաստաբան Արամայիս Հայրապետյանի փոխանցմամբ՝ Ղուկասյանը հիվանդանոց է տեղափոխվել, քանի որ իրենց միջնորդությամբ առողջական վիճակի հետ կապված փորձաքննություն է նշանակվել: Այժմ այդ փորձաքննությունն է անցկացվելու:
Պաշտպանական կողմը բազմիցս է ահազանգել, որ 64-ամյա Ղուկասյանի հիվանդություններն անհամատեղելի են կալանքի հետ: Փորձաքննության եզրակացությամբ կտրվեն նաև այդ հարցերի պատասխանները:
