Երեւանի քաղաքապետարանի գործակարգավարական խորհրդակցության ժամանակ այս անգամ ի թիվս այլնի՝ անդրադարձ եղավ մետրոյի ոչ թե «Աջափնյակ», այլ «Սուրմալու» կայարանին: Տիգրան Ավինյանին տեղեկացրին, որ «Սուրմալու» կայարանի կառուցման բյուջեն գնահատման ընթացքում է, տեխնիկա-տնտեսական իրագործման մրցույթը 2 անգամ չի կայացել մասնակիցներ չլինելու պատճառով, եւ հունվարի 16-ին կրկին մրցույթ կվերահայտարարվի, իսկ փետրվարի 10-ին կկայանա մետրոյի «Սուրմալու» կայարանի եւ քաղաքաշինական ծրագրի AR|VR մոդելի մրցույթը:
«Տեխնիկա-տնտեսական իրագործման մրցույթի ամբողջ տրամաբանությունը պետք է կառուցված լինի այն տրամաբանության վրա, որ տեխնիկատնտեսական իրագործելիությունն ապահովենք: Հաղթող կազմակերպությունները պետք է գտնեն, թե որ կետում է այն հետաքրքիր մասնավոր գործընկերներին: Մեր որոշումներում լայն հնարավորութուններ ունենք բիզնես տեսանկյունից ավելի հետաքրքրացնելու պրոյեկտը»,- ասաց Երեւանի քաղաքապետ Տիգրան Ավինյանը:
Մանրամասն՝ տեսանյութում
Կարդացեք նաև
Գործակարգավարական խորհրդակցությունն ամբողջությամբ.
Գոհար ՀԱԿՈԲՅԱՆ
