«Հանուն հավասար իրավունքների» հասարակական կազմակերպության նախագահ Գայանե Աբրահամյանը գրում է.
«Ռուս պրոպագանդիստ Սոլովյովի` Հայաստանում Հատուկ ռազմական օպերացիա (СВО) իրականացնելու սպառնալիքը մեր ներսում ցավալի քննարկումների առիթ դարձավ, թվում էր, սա այնքան բացահայտ թշնամական հայտարարություն է, որ երկու կարծիք լինել չէր կարող, անգամ եթե հավատավոր ռուսամետ ես։
Եւ ռուսական շահի ջատագովների մեծ մասի հիմնական հակափաստարկն է, թե բա` Ալիևի կամ Էրդողանի ասածների դեմ ինչո՞ւ չեք նման արձագանք տալիս։
Սիրելի’ հարգելիներ, հենց այստեղ է խնդիրը, որ Ալիևն ու Էրդողանը Հայաստանի կոնվենցիոնալ թշնամիներն են, այստեղ քննարկման հարց չկա, բայց Սոլովյովը դե յուրե մեր դաշնակիցն է, որն այսօր մեր դեմ ռազմական գործողության կոչ է անում։
Կարդացեք նաև
Չկա՞ դյուզն ինչ տարբերություն…
Դե յուրե դաշնակից է, դե ֆակտո թշնամի և հենց էս դե ֆակտո թշնամության փաստն է, որ շատերը չեն տեսնում ու, թերևս, շատ ավելի վտանգավոր թշնամի է, քանի որ ունի ոչ միայն ռազմական գործողություն, այլ բազմաթիվ այլ` փափուկ միջոցներ, մեր դեմ կիրառելու հնարավորություններ։
Բայց շեշտեմ, որ հանրային հաղորդակցման տեսանկյունից իրականում ավելի լավ է, որ Սոլովյովն ուղիղ է խոսում Հայաստանում Հատուկ ռազմական գործողություն իրականացնելու մասին։
Մեր հանրությունը վերջապես հստակ կարող է արձանագրել, որ ուղիղ վտանգ պետք է սպասել նաև այդ երկրից, այլապես հիբրիդային հարձակումների ու վտանգների մասին երբ խոսում ենք՝ ծաղրում են որոշ գործիչներ, իսկ այսպես գոնե ուղիղ են տեսնում սպառնալիքները։
Նկարում՝ երեկ արված մեկնաբանություն է, այսինքն՝ անգամ ռազմական սպառնալիք հնչեցնողը մեկ է հայամետ է, ռուս փրկչի մասին հեքիաթներով լցված ուղեղների էս կործանարար հետևանքները չգիտեմ ոնց ենք ազգովի հաղթահարելու»։
