Կառավարության նիստից հետո առողջապահության նախարար Անահիտ Ավանեսյանն անդրադարձավ Բաքվից վերադարձած հայ գերիների առողջական խնդրին։
Նախարարը հիշեցրեց, որ երեկ երեկոյան այցելել էր գերությունից վերադարձած Վագիֆ Խաչատրյանին, այսօր նա լրացուցիչ հետազոտություններ կանցնի։ «Եվ նրա բուժման ընթացքն արդեն մեր մասնագիտական թիմերը կվարեն։ Հաջորդիվ ինչի կարիք որ լինի, կապահովենք»,- ասաց նախարարը։
Անդրադառնալով գերությունից վերադարձած մյուս երեք անձանց առողջական վիճակին՝ նախարարն ասաց, որ այսօր կայցելի նաեւ նրանց, եթե կգտնվեն բժշկական հաստատություններում։ «Նրանց վիճակը եւս գնահատվում է բավարար։ Հաջորդիվ, եթե լրացուցիչ բժշկական խորհրդատվության կամ հետազոտությունների արդյունքում կարձանագրվեն առողջական խնդիրներ, ապա մենք մեր ընթացակարգերով կապահովենք»,- ասաց նա։
Նախարարն ասաց, որ չեն պատրաստվում նրանց վերաբերյալ բժշկական տեղեկատվությունը հաղորդել համայն աշխարհին։
Կարդացեք նաև
Ռոզա ՀՈՎՀԱՆՆԻՍՅԱՆ
