«Ապրելու երկիր» կուսակցության համահիմնադիր Մանե Թանդիլյանի ֆեյսբուքյան գրառումը
Երեկ Ազգային ժողովում տեղի ունեցածը հերթական ապացույցն է, որ գործող իշխանությունը հետևողականորեն սահմանափակում է խոսքի ազատությունն ու հանրային վերահսկողությունը։
Լրագրողների աշխատանքը խոչընդոտվել է, նրանք ուժի կիրառմամբ դուրս են բերվել դահլիճից միայն այն պատճառով, որ փորձում էին լուսաբանել հանրային կարևորություն ունեցող նիստը։
Սա արդեն ոչ թե միջադեպ է, այլ քաղաքական վարքագիծ։ Վարքագիծ, որն անհամատեղելի է ժողովրդավարական պետության, բաց կառավարման և հաշվետու իշխանության գաղափարի հետ։
Կարդացեք նաև
Երբ իշխանությունը վտարում է մամուլը խորհրդարանի դահլիճից հենց այնպես, դա նշանակում է՝ նա վախենում է ճշմարտությունից և հանրային վերահսկողությունից։
Ուժային մեթոդներով աշխատող համակարգը և ազատ խոսքի ճնշումը չեն կարող լինել Հայաստանի ապագայի ճանապարհը։
Ժողովրդավարությունը չի կառուցվում լրագրողների լռեցմամբ և նրանց իրավունքների ոտնահարմամբ։ Այն կառուցվում է թափանցիկությամբ, պատասխանատվությամբ և խրախուսելով երկրում առողջ ու ազատ մամուլի առկայությունը:
