«Եթե նույնիսկ իրենց առաջ քաշած վարկածի շրջանակներում գործ ունենք զենքի, ռազմական տեխնիկայի, ռազմամթերքի կամ ռազմական այլ գույքի, շրջապատի համար վտանգավորություն ներկայացնող նյութերի, սարքերի հետ առնչվելու կանոնները խախտելու և պաշտոնական դիրքը չարաշահելու և անփութության հետևանք առաջացնելու հետ, ուրեմն իրենց վարկածով հիմնավորում են, որ պատկերավոր ասած՝ բանակում տիրել է բարդակ վիճակ, անպատասխանատու վիճակ, որի թիվ մեկ մեղավորն ու պատասխանատուն Նիկոլ Փաշինյանն է»,- Ազատի զինվորական կացարանում երեք տարի առաջ զոհված 15 զինծառայողների գործով տուժողների լիազոր ներկայացուցիչ, փաստաբան Նորիկ Նորիկյանի և ծնողների համատեղ մամուլի ասուլիսի ժամանակ ասաց փաստաբան Նորայր Նորիկյանը։
Ըստ փաստաբանի՝ նախորդ երեք տարիներին ընթացող դատավարությունը վերահաստատում է իրենց եզրակացությունը, որ պատասխանների փոխարեն ավելացել են հարցերը․ «Փնթի, ոչ կոմպետենտ, ոչ սրտացավ, ոչ պատասխանատու գործունեության արդյունքում՝ մեր կասկածները ոչ միայն չփարատվեցին, այլև մեծացան։ Ամեն ինչ արվեց հանցագործությունը չբացահայտելու համար։ Պատասխանատու կերպով հայտարարում ենք, որ իրավապահ մարմինների կողմից հնարավոր ամեն բան արվեց, արվում է, որ գործի բացահայտման ուղղությամբ ճշմարտությունը չբացահայտվի։ Ցավալի է, որ պետությունը, պետական ինստիտուցիոնալ մարմինները և պատասխանատու մարմինները մինչև հիմա այդպես էլ չտվեցին պատասխան՝ երբվանի՞ց, ինչո՞ւ և ո՞ւմ կողմից է հատկացվել այդ շենքը՝ որպես զինվորական կացարան և այդ որոշումը կայացնողները ինչո՞ւ խստորեն չպատժվեցին, քանի որ այդ մակերեսով նման կացարան հատկացնելը արդեն իսկ գործող իրավանորմերի խախտում է»։
Ասուլիսն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
