«Այս իշխանության օրոք որևէ հույս ու ակնկալիք չունենք, որ համենայն դեպս, այս դեպքը կբացահայտվի»,- Ազատի գյուղի զինվորական կացարանում երեք տարի առաջ զոհված 15 զինծառայողների գործով տուժողների լիազոր ներկայացուցիչ, փաստաբան Նորիկ Նորիկյանի և ծնողների համատեղ մամուլի ասուլիսի ժամանակ այսպիսի մտահոգություն հայտնեց Ազատ գյուղի զինվորական կացարանում հրդեհից զոհված Հայկ Կիրակոսյանի հայրը՝ Գաբրիել Կիրակոսյանը:
Ըստ նրա՝ պատասխանատու մարմիններն առաջին օրվանից այս գործը փակել են։ Անդրադառնալով հավանական դիվերսիայի վարկածին և հրամանատարի՝ այդ առիթով հայտարարություններին`Գաբրիել Կիրակոսյանն ասաց․ «Հրամանատարն եկավ դատարան, ասում է՝ եթե դիվերսիա լիներ, մենք դրա պատասխանը կտայինք դրանից հետո։ Այսօր կարող ես դիվերսիայի դեմ պատասխան տա՞ս, Նիկոլը քեզ կտանի, կտա Ալիևի ձեռը, կաշիդ կքերթի, դու կարաս այսօր Ադրբեջանին ինչ-որ ձևով պատասխան տա՞ս։ Խառնել ես մինչև 2018-ը թվերի հետ։ Ու այն ժամանակ նրանք ռիսկ էլ չէին անի նման բան անել, քանի որ մեկին տասը կստանային»։
Ասուլիսն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
