Ամփոփիչ ասուլիսում անդրադառնալով լրագրողի այն հարցին, որ Հայաստանի պետական պարտքը 2018-ից հետո կրկնակի աճել է, եւ 2025թ արդյունքներով արդեն 14,5 մլրդ դոլարի է հասել, արդյոք արդյունավետ է նման կառավարումը եւ այդքան պարտք վերցնելը, ՀՀ ֆինանսների նախարար Վահե Հովհաննիսյանը նշեց. «Կառավարման եւ ընդհանրապես ծախսային արդյունավետության մասին առաջին հերթին ենք մտածում, եւ երբ դուք ասում եք արդյունավետություն, դա նշանակում է ծախսերի նվազում: Այսինքն, մեկ միավոր արդյունքի դիմաց ավելի քիչ ծախս իրականացնել»:
Նախարարի խոսքով. «Սա առաջնային աշխատանք է, որն իրականացնում ենք ամեն բյուջետային պրոցեսի ընթացքում: Այսինքն, մեր գործընկերների հետ տարբեր նախարարություններում անցնում ենք իրենց ծախսային հոդվածների վրայով, գնահատումներ ենք իրականացնում, եւ դա է պատճառը, որ վերջին տարիներին մենք առաջին անգամ պետական համակարգում, կառավարությունում ներդրել ենք գնահատման գործընթաց:
2025-ին պիլոտային գնահատումներ ենք իրականացրել, 2026թ արդեն պլանավորում ենք այս գործառույթը մեկնարկել: Եվ շատ մեծ հույս ունենք, որ այն ծրագրերը, որոնց արդյունքներով առաջին հայացքից այդքան էլ գոհ չենք, կկարողանանք դրանց գնահատումն իրականացնել եւ հետեւություններ անել, թե ինչպես առանձին կարեւոր ծրագրերի հետ կապված ունենանք ավելի լավ արդյունքներ»:
Դառնալով պարտքին նախարարը նշեց. «Մենք 2025թ հաստատել ենք միջնաժամկետ ծախսերի շրջանակ եւ ասել ենք, որ ամեն տարի 1 տոկոսային կետով նվազեցնելու ենք դեֆիցիտը: 2030թ. ձգտելու ենք հասնել մեկ տոկոս դեֆիցիտի…»:
Կարդացեք նաև
Ասուլիսն ամբողջությամբ՝
Գոհար ՀԱԿՈԲՅԱՆ
