«Ովքեր առանց աշխատավարձի կամ սիմվոլիկ աշխատավարձով աշխատել են վարչապետ, հիմա դոլարային միլիոնատերեր են․ ես նման խնդիր չունեմ»,- խորհրդարանում հայտարարեց Նիկոլ Փաշինյանը՝ պատասխանելով իշխող խմբակցության պատգամավոր Էդուարդ Աղաջանյանի հարցին, թե ե՞րբ է ինքը ի վերջո աշխատելու առանց աշխատավարձի։
Հեգնալից հարցը վերաբերում էր 2025-ի վերջում կառավարության անդամների ստացած պարգեւավճարներին։
«Դա անում ենք, որովհետեւ կարծում եմ, որ պետական ինստիտուտները պետք է ուժեղացնենք։ Մենք սրանով իրականացնում ենք մեր տեսլականը, որի համաձայն ուզում ենք ունենալ, բառիս բուն իմաստով, անարատ պաշտոնյա, այսինքն՝ զրո կոռուպցիա քաղաքականության իրագործում»,-ասաց Նիկոլ Փաշինյանը՝ հավելելով, որ 2017 թվականի համեմատ 2025-ի բյուջեն եկամտային առումով ավելի քան 130 տոկոսով ավելի է։ Նաեւ ՝ 2025 թվականի բյուջեում պետական ապարատի պահպանման ծախսերը կրճատել են 4 տոկոսով, որը կազմում է 6.5 մլրդ դրամ եւ ներդրել են կատարողականի վրա հիմնված վարձատրության համակարգ, որը պիլոտային ծրագիր է։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
