Գյումրու քաղաքապետ Վարդան Ղուկասյանի պաշտպան Զարուհի Փոստանջյանը, որն առավոտյան ԱԱԾ մեկուսարանում տեսակցել է նրան՝ ահազանգում է, որ Գյումրու կալանավորված քաղաքապետը ամբողջ գիշեր չի քնել․ եղել է ուժգին ցավերի մեջ։
Նա ցավեր է ունեցել երկու թևերի շրջանում ու կրծքավանդակի հատվածում։
«Խուցը, որտեղ նա գտնվում է, նաև պայմաններն են նպաստում, որ այս վիճակը շարունակվի իր մոտ։ Նրան չի տրամադրվել համապատասխան բուժօգնություն։
Մինչև հիմա նրան անհրաժեշտ բուժօգնություն դիտավորյալ չի տրամադրվում Հայաստանի Հանրապետության իշխանությունների կողմից։ Այն, որ նա ապօրինի է գտնվում այստեղ, և այս կալանավայրը պիտանի չէ մարդկանց պահելու համար, դրա մասին կան զեկույցներ միջազգային կառույցների կողմից, այդ մասին ես բազմիցս հայտարարել եմ։ Բայց այն, որ այս պահի դրությամբ նա կարիք ունի բժշկական օգնության և բժշկական օգնությունը դիտավորյալ չի տրամադրվում ամիսներ շարունակ, այդ թվում և վերջին ցուցումից հետո չի տրամադրվում, սա արդեն խոսում է, որ պարոն Ղուկասյանին իրապես ցանկանում են զրկել կյանքից»,- ասաց Զարուհի Փոստանջյանը։
Կարդացեք նաև
Նա նշեց,որ հանդես է եկել այս հանցանքի մասին հաղորդմամբ, դեռ պատասխան չունի։
Մանրամասները՝ տեսանյութում
Նունե ԱՐԵՎՇԱՏՅԱՆ
Լուսանկարը՝ արխիվային
