Սա ևս մեկ առիթ է, որ գանք եւ մեր պարտքը տանք զոհված տղաներին․ Եռաբլուր պանթեոնում, լրագրողների հետ զրույցում ասաց Արցախի ՆԳ նախարար Կարեն Սարգսյանը։
«Հայրենիք» կուսակցության նախագահ, ԱԱԾ նախկին ղեկավար Արթուր Վանեցյանը եւ Արցախի ՆԳ նախկին նախարար Կարեն Սարգսյանն այսօր այցելեցին Եռաբլուր պանթեոն։
Պատասխանելով օրերս Արցախից Հայաստան տեղափոխված տաս հայերի մասին հարցին՝ Կարեն Սարգսյանն ասաց, որ նրանցից տեղեկություններ չունի. «Նոր եմ եկել, հանրապետությունից դուրս էի»։
Կրկին հարց հնչեց Արցախից իր դուրս գալուց հետո Արցախի ռազմաքաղաքական նախկին ղեկավարների գերեվարության մասին։ Կարեն Սարգսյանն ասաց, որ այդ թեմայով ամեն ինչ ասել է, հավելելու ոչինչ չունի եւ չկա նաեւ բան, որը գաղտնի է մնացել․ «Իրենց տեսել եմ իմ դուրս գալու վերջին օրը։ Տեսել եմ Բակո Սահակյանին, Արկադի Ղուկասյանին, հետո ես ճանապարհվեցի ՀՀ, հետո իմացա, որ գերեվարվել են։ Այստեղ ոչ մի գաղտնիք չկա»։
Կարդացեք նաև
Մանրամասները՝ տեսանյութում
Ի դեպ, 44-օրյա պատերազմում զոհված Տարոն Անդրեասյանի հորեղբոր որդին այսօր պանթեոնի մուտքի մոտ անվճար ծաղիկներ էր բաժանում։
Դադիվանքի հոգեւոր հովիվ Տեր Հովհաննեսն, որն այժմ Եռաբլուրի եկեղեցու հոգեւոր սպասավորն է, հոգեհանգստյան կարգ մատուցեց։ Իր խոսքում նա ասաց, որ Եռաբլուր ամեն օր պետք է այցելել, արցախյան պատերազմներում զոհվածների հիշատակն ամենօրյա հարգանքի է արժանի։
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Լուսանկարը՝ արխիվային
