Կառավարության այսօրվա նիստից հետո հրավիրած ասուլիսում Նիկոլ Փաշինյանին հարց ուղղվեց․ «Ասում եք՝ վեհափառն անվտանգության սպառնալիք է, ձեր թիմակիցներն էլ ասում են՝ Մայր Աթոռն են ազատագրելու։ Ե՞րբ եք պատրաստվում պայքարել իրական սպառնալիքների դեմ, ե՞րբ կազատագրեք Սեւ լիճը, Իշխանասարը, Ներքին Հանդում եւ Վարդենիսում հակառակորդի վերահսկողության տակ գտնվող տարածքները։ Եթե ասելու եք, որ սահմանազատման գործընթացը ցույց կտա, դա նշանակո՞ւմ է, որ դուք այդ տարածքները վիճելի եք համարում»։
Փաշինյանին նաեւ հարց ուղղվեց․ «Ինչո՞ւ էր Ալիեւից շնորհակալ Վահագն Խաչատուրյանը, դո՞ւք էլ եք երախտապարտ Ալիեւին»։
Նիկոլ Փաշինյանն ասաց․ «Ինչ վերաբերում է Ադրբեջանի նախագահին, ես կայացված մի շարք որոշումների վերաբերյալ իմ հրապարակային գոհունակությունն եմ արտահայտել։ Մասնավորապես, եթե Ադրբեջանի տարածքով Հայաստան գալիս է հացահատիկ, դիզվառելիք, ճանապարհների ապաշրջափակում է տեղի ունենում, ես չեմ կարծում, որ մենք պետք է դրա համար Ադրբեջանին քննադատենք, էլ չեմ ասում՝ դատափետենք»։
Անդրադառնալով ՀՀ օկուպացված տարածքների հարցին՝ Նիկոլ Փաշինյանը կրկնեց իր նախկին հայտարարությունները՝ նշելով, որ այդ հարցը կլուծվի դելիմիտացիայի պրոցեսների շրջանակներում։ «Եվ համոզված եմ՝ կլուծվի»,- հավելեց նա։
Կարդացեք նաև
Մանրամասները՝ տեսանյութում
Փաշինյանը խուսափեց պատասխանել հարցին՝ «ինչպե՞ս եք ձեզ զգում, երբ Հայաստանի ժողովրդի շահերից միջազգային մամուլում խոսում է ոչ թե ՀՀ կառավարության ղեկավարը, այլ ընդդիմադիր գործիչը։ Վերջերս «Միասնության թեւեր» շարժման ղեկավար Արման Թաթոյանը The Washington Times-ում ծավալուն անդրադարձ էր կատարել ՀՀ օկուպացված տարածքները մոռացության մատնելու հարցին»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
Լուսանկարը՝ արխիվային
