«Մեր միջազգային գործընկերներին իրազեկել ենք իրավիճակի մասին, հատկապես էներգետիկ ոլորտում թոփ ընկերություններին փորձում ենք իրազեկել։ Բայց այս պահին տեղի է ունենում ՀԷՑ-ի շուկայական արժեքի գնահատում։ Եթե ՀԷՑ-ի շուկայական արժեքը կլինի հասանելի պետական բյուջեի առումով, մենք ՀԷՑ-ն ամբողջությամբ կազգայնացնենք եւ կհանձնենք հավատարմագրված կառավարման միջազգային բարձր պրոֆեսիոնալ ընկերության կամ ընկերությունների խմբի»,- այսօր հրավիրած ասուլիսում ասաց Նիկոլ Փաշինյանը։
Նա նշեց, որ հիմա որոշ կարծիքներ են հնչում, որոնք շատ նախնական են․ կարող է պարզվել, որ ՀԷՑ-ի ֆինանսական վիճակն այնքան վատ է, որ իր շուկայական արժեքը շատ ցածր է։ «Այսինքն՝ մենք մեծ հաշվով շտապելու բան չունենք՝ ՀԷՑ-ն այս պահին դե ֆակտո պատկանում է Հայաստանի Հանրապետությանը։ Ընկերության արդյունավետությունը, հարկային ակտիվությունը, թափանցիկությունն էականորեն բարձրացել է»,- ասաց նա։
Մանրամասները՝ տեսանյութում
Կարդացեք նաև
Ըստ Փաշինյանի․ «Շատ կարեւոր է արձանագրել, որ ՀԷՑ-ը որպես գործընկեր բացվել է Հայաստանի տասնյակ, եթե ոչ հարյուրավոր ընկերությունների առաջ, որովհետեւ նախկինում ՀԷՑ-ի մրցույթներին մեծ մասամբ մասնակցում էին նախկին կառավարիչների հետ կապված ընկերություններ։ Եվ դա, ըստ էության, կոռուպցիոն ու փողերի լվացման ի համակարգ էր, որը մեր կողմից բացահայտվել է։ Այդ թվում՝ քրեական գործեր կան հարուցված»։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
