«Մեր ձեւով» շարժման խոսնակ Մարիաննա Ղահրամանյանը հաղորդում է. «Տեղեկությունը, թե Սամվել Կարապետյանը տեղափոխվել է հիվանդանոց, չի համապատասխանում իրականությանը։ Նա անցել է հերթական բուժզննում և շարունակում է գտնվել տնային կալանքի պայմաններում»:
Հիշեցնենք, որ ավելի վաղ Սամվել Կարապետյանի պաշտպան Արմեն Ֆերոյանը News.am–ին ասել էր, որ նա տեղափոխվել է հիվանդանոց. «Կովիդով և թոքաբորբով պայմանավորված շարունակական բուժում է ընդունում, դրանով է պայմանավորված բուժհաստատություն տեղափոխվելը։ Գնում, բուժում ստանում, հետ է գալիս, կախված բժշկական ցուցումներից։ Շարունակական, այո, բուժումների կուրս է ընդունում։ Հիմա կազդուրման փուլում է»:
