-Այսօր սփյուռքը ինչքանո՞վ է ներգրավված Հայաստանի գործընթացների մեջ։ Անգլիայում կա Լորդ Արա Դարզի, ամենահայտնի լորդերից է, որը Անգլիայի առողջապահական համակարգի ստեղծողն է, հայ։ Բայց մեր օրենքներով ինքը իրավունք չունի Հայաստանում որևէ պաշտոն ստանալ ու որևէ հնարավորություն չի կարող Հայաստանում ունենալ։
Սա նշանակում է, որ սփյուռքի լավագույն համալսարաններում սովորած մեր մասնագետներին չենք կարողանում ներգրավել, որ ծառայեն իրենց հայրենիքին։ Մենք կարող ենք ունենալ առողջապահության նախարար, որը առողջապահության հետ նոր է կապեր հաստատել, բայց Արա Դարզիի նման նախարար չենք կարող ունենալ,- «Մեր ձևով» շարժման համակիրների հետ հանդիպման ժամանակ ասել է շարժման համակարգող Նարեկ Կարապետյանը՝ նկատելով, որ ՀՀ օրենքները շատ են սահմանափակում սփյուռքի ներուժը ներգրավելուն։
