«Յուրաքանչյուր մարդու մեկ օրվա անազատությունը չարժե որեւէ քաղաքական շահ։ Որեւէ տարածաշրջանային շահ չարժե, որ ՀՀ որեւէ քաղաքացի գեթ մեկ օր մնա անազատության մեջ։ Լուծեք ձեր հարցերն ու շահերն այլ կերպ»,- այսօր ԱԺ շենքի մոտ Հայաստանի հանրապետական կուսակցության կազմակերպած՝ ի պաշտպանություն Հայաստանում քաղբանտարկյալների եւ Բաքվի բանտերում բանտարկված մեր հայրենակիցների ցույցի ժամանակ լրագրողների հետ զրույցում ասաց Վանաձորի նախկին քաղաքապետ Մամիկոն Ասլանյանը՝ ՀՀ իշխանություններին կոչ անելով չշարունակել աճպարարությունը։
Ցույցը կազմակերպվել էր Եվրոպայի խորհրդի մարդու իրավունքների հանձնակատար Մայքլ Օ’Ֆլահերթիի՝ ՀՀ խորհրդարան այցի առիթով։ Ցույցի մասնակիցները Հայաստանում եւ Բաքվում հայ քաղբանտարկյալների նկարներով էին եւ Հայաստանի քաղբանտարկյալներին ու «Ալիեւի բանտարկյալներին» ազատ արձակելու կոչերով պաստառներով։
Միջազգային կառույցներից Մամիկոն Ասլանյանը սպասելիք չունի, ասելիք էլ չունի նրանց, միայն հետեւություններ է արել․ «Իրենք իրենց հեղինակությանն անդառնալի վնաս են տվել։ Չեմ կարծում, որ Հայաստանում ապագա որեւէ իշխանություն կամ հասարակությունը հույս կկապի նման ժամանակավոր, իրենց ծաղրանկարային վարքագծով պահող կազմակերպությունների հետ»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
