-Օբյեկտիվ իրականության մեջ տուժողները նաև նախաքննության փուլում են որոշակի արդարացնող ցուցմունքներ տվել՝ հայտնելով, որ Դավիթ և Գոռ Համբարձումյանները, որևէ առնչություն չունեն իրենց կողմից նկարագրված դեպքերի հետ: Սակայն դատարանը գտել է, որ նրանց ցուցմունքները արժանահավատ չեն, որովհետև քրեական գործում եղել է չճշտված աղբյուրից ստացված գրություն, որ որոշակի ճնշումներ են գործադրվել վկաների նկատմամբ: Մեկ վկա էլ , թե տուժող հայտնել է, որ քննիչը գրել է, ինքը ստորագրել է,- այսօր լրագրողների հետ զրույցում Մասիսի նախկին համայնքապետ Դավիթ Համբարձումյանի գործով դատական նիստից հետո լրագրողներին ասաց նրա պաշտպաններից Գայանե Պապոյանը:
Նրա խոսքով՝ դասագրքային ճշմարտություն է, որ օպերատիվ գրությունը որևէ ապացույցի ուժ չունի. «Կա տեսագրություն, որում հստակ երևում է, որ տուժողներին մի կողմում ծեծի են ենթարկում և դա ո՛չ պարոն Համբարձումյանն է , ո՛չ էլ նրա եղբայր Գոռ Համբարձումյանը»:
Արփինե ՍԻՄՈՆՅԱՆ
