Ազգային ժողովը չընդունեց ՀՌՀ անդամ Հակոբ Հակոբյանի (Հակոբ Մովսես) լիազորությունները դադարեցնելու նախագիծը, որը հեղինակել էր «Հայաստան» խմբակցությունը։ Բուռն քննարկումներից հետո տեղի ունեցած փակ գաղտնի քվեակության ընթացքում կողմ քվեարկեց 28 պատգամավոր։
ՔՊ խմբակցության ղեկավար Հայկ Կոնջորյանն ավելի վաղ հայտարարել էր, որ իրենց խմբակցությունը չի մասնակցի այս հարցի քվեարկությանը։
Նշենք, որ «Հայաստան» խմբակցությունը ներկայացրել էր Հակոբ Մովսեսի լիազորությունները դադարեցնելու նախագիծ։ Ընդդիմադիր պատգամավորները գտնում են, որ Հակոբ Մովսեսը խախտել է ՀՌՀ անդամի կարգավիճակից բխող քաղաքական չեզոքության եւ զսպվածության պահանջները՝ քաղաքական գնահատականներ հնչեցնելով ՀՅԴ հասցեին։
Ռոզա ՀՈՎՀԱՆՆԻՍՅԱՆ


















































