«Ապրիլի մեկից բոլոր նպաստներն ու կենսաթոշակները վճարվելու են անկանխիկ եղանակով»,- կառավարության այսօրվա նիստում ասաց աշխատանքի եւ սոցիալական հարցերի նախարար Արսեն Թորոսյանը։
«Մինչեւ այս տարվա մարտի 5-ը մենք բոլոր կենսաթոշակառուներին եւ նպաստառուներին խնդրում ենք ինքնուրույն ընտրել վճարող կազմակերպությունը՝ բանկը, եւ ինքնուրույն ստանալ բանկային քարտ, որի վրա հաջորդ կենսաթոշակը կամ նպաստը կփոխանցվի։ Եվ եթե դա մինչեւ մարտի 5-ը տեղի չունենա, մենք դա անելու ենք ավտոմատ եղանակով»,- ասաց Արսեն Թորոսյանը։
Թորոսյանը նշեց, որ դեկտեմբերի սկզբին մոտ 50 հազար քաղաքացի էր կենսաթոշակն ու նպաստը ստանում կանխիկ եղանակով, իսկ այսօրվա դրությամբ այդ թիվը կազմում է 21 539։ Այսինքն՝ մոտ 30 հազար քաղաքացի այս ընթացքում ինքնուրույն անցնել են անկանխիկի դաշտ, եւ օրական 1000-1500 քաղաքացի շարունակում են ինքնուրույն անցնել։
Մանրամասները՝ տեսանյութում.
Կարդացեք նաև
Նաեւ նշվեց, որ վավեր անձնագիր չունեցող 2500 քաղաքացի կա, խնդիրներ ունեցող տարեցների անձնագրերի ստացման գործընթացը կկազմակերպվի տանը։ ՆԳ նախարար Արփինե Սարգսյանն ասաց, որ կհասցնեն գործընթացը կազմակերպել, խնդիրներ չեն լինի։
Ամբողջական տեսանյութը՝ այստեղ.
Ռոզա ՀՈՎՀԱՆՆԻՍՅԱՆ
