Ամփոփվել են դատարանների 2025 թ. գործունեության վերաբերյալ հաշվետվությունները

Քաղաքացիաիրավական ոլորտում ՀՀ առաջին ատյանի ընդհանուր իրավասության դատարաններում 2025 թ. արձանագրվել է գործերի հետեւյալ շարժը։

2025 թ. ընթացքում դատարաններ մուտքագրվել է 29 633 քաղաքացիական գործ, նախորդ հաշվետու ժամանակահատվածից փոխանցվել է 17 893 քաղաքացիական գործ։

Հաշվետու տարում ավարտվել է 31 870 քաղաքացիական գործ, որը կազմում է ստացված եւ փոխանցված գործերի ընդհանուր թվի 67 տոկոսը։

2025 թվականի դեկտեմբերի 30-ի դրությամբ ՀՀ առաջին ատյանի ընդհանուր իրավասության դատարանների վարույթում անավարտ է մնացել 15 656 քաղաքացիական գործ։

Կարդացեք նաև

«Ես որեւէ մեկին մեղադրանք չեմ առաջադրել, իմ ոչ մի տեղեկություն սուտ չի եղել»․ Արսեն Թորոսյանը՝ Դավիթ Սանասարյանի գործի մասին

• 13:10 26.02.2026

«Եթե խաղաղության գործընթացն Արցախի ներկայացուցչության շենքը Ադրբեջանի դրամատիկական թատրոնի շենքի վերածելու գործողությունն է, ապա թող այդպես լինի»

• 16:53 02.02.2026

«Դատարանը հստակ արձանագրել է, որ Շահրամանյանի՝ Արցախը լուծարելու վերաբերյալ հրամանագիրն առ ոչինչ է, քանի որ կայացվել է ուժի սպառնալիքի տակ»․ Ռոման Երիցյան

• 15:59 02.02.2026

ՀՀ առաջին ատյանի ընդհանուր իրավասության դատարաններում 2025 թ. ընթացքում դատարաններ է մուտքագրվել 809 վճարման կարգադրություն արձակելու մասին գործ, նախորդ հաշվետու ժամանակահատվածից փոխանցվել է՝ 31-ը:

Հաշվետու տարում ավարտվել է 801 վճարման կարգադրություն արձակելու մասին գործ, որը կազմում է ստացված եւ փոխանցված գործերի ընդհանուր թվի 95.3 տոկոսը։

2025 թ. դեկտեմբերի 30-ի դրությամբ ՀՀ առաջին ատյանի ընդհանուր իրավասության դատարանների վարույթում անավարտ է մնացել 39 վճարման կարգադրություն արձակելու մասին գործ։

«Առավոտ» օրաթերթ
19.02.2026