-Այս իշխանություններն ինչ ցանել են այս 7-8 տարվա ընթացքում, այն էլ հնձում են: Թմրաբիզնեսն են ազատականացրել ոչ օրինական, բայց փաստացի, հանցավոր աշխարհի հետ են համագործակցում, անտեր վիճակ է: Ոստիկանությունը զբաղված է քաղաքական հետապնդումներով, բարձրաստիճան եկեղեցական անձանց, քաղաքական գործիչներին, բարերարներին հետապնդելով: Ոստիկանությունը լծված է այսօրվա իշխանության անվտանգությունն ապահովելու ու շինծու քրեական գործերը հարուցելու ու ընթացք տալու գործով,- Aravot.am-ի հետ զրույցում անդրադառնալով օրեր առաջ Աջափնյակում օրը ցերեկով 40 երիտասարդի մասնակցությամբ տեղի ունեցած փոխհրաձգությանը ու սպանության դեպքին՝ Aravot.am-ի հետ զրույցում ասաց մի քաղաքացի:
Ըստ նրա՝ այդ վերջին աղմկահարույց կրակոցները նաեւ մեր երկրում ստեղծված ատելության մթնոլորտի արդյունք են. «Հանցավոր աշխարհն ազատ գործում է»:
Մեկ այլ քաղաքացի էլ ասաց՝ այսօր ամենաթողություն է Հայաստանում. «44-օրյա պատերազմից հետո այնքան անօրինական զենք է մտել Հայաստան ու հայտնվել այն մարդկանց ձեռքում, որոնց ձեռքին չպետք է լիներ… անարխիա է, ինչ ժողովրդավարություն»:
Մեկ այլ քաղաքացի էլ նշեց, որ մեր երկիրը դարձել է վտանգավոր ապրելու համար. «Կրիմինալը ծաղկում է»:
Կարդացեք նաև
Արփինե ՍԻՄՈՆՅԱՆ
