Մարտի մեկի գործով առաջիկայում կլինեն նոր մեղադրյալներ։ Այս մասին այսօր լրագրողների հետ ճեպազրույցում ասաց Հակակոռուպցիոն կոմիտեի նախագահ Արթուր Նահապետյանը։
Նշենք, որ Հակակոռուպցիոն կոմիտեն օրերս հայտնել էր, որ «Մարտի 1»-ի գործի շրջանակում մեղադրանքներ են առաջադրվել Երևանի նախկին փոխոստիկանապետ Ռոբերտ Մելքոնյանին եւ Հայաստանի նախկին ոստիկանապետ Վալերի Օսիպյանին:
«Անդրադառնալով ձեր հարցին, թե առաջիկայում կունենա՞նք նոր մեղադրյալներ, այո, այո, առաջիկայում կունենանք նոր մեղադրյալներ, որի մասին հանրությունը կիրազեկվի։ Ես կոնկրետ չասեմ՝ որ դրվագով, բայց կունենանք մեղադրյալներ»,- այսօր լրագրողներին ասաց Արթուր Նահապետյանը։
Հարցին, որ 2018 թվականից հետո բազմաթիվ ակցիաներ են եղել, մարդկանց նկատմամբ բռնություն է գործադրվել, բայց որեւէ մեղադրանք չկա ուժային մարմինների ներկայացուցիչների նկատմամբ, արդյոք տարբերակված մոտեցում չկա՞, Նահապետյանը պատասխանեց․ «Իսկ ո՞ր դեպքում ենք ունեցել խոշտանգում եւ զոհեր։ Մենք ունենք տարբեր դեպքեր եւ տարբեր դեպքերով իրավական գնահատականներ»։
Կարդացեք նաև
Ռոզա ՀՈՎՀԱՆՆԻՍՅԱՆ
