«ԱՌԱՋ» արժանապատվության շարժումը, իր կազմում գործող «Զարկերակ» Համազգային-Երիտասարդական նախաձեռնությունը և «Հանուն Արմավիրի» երիտասարդական նախաձեռնությունը միանում են «Միասնության թևեր» քաղաքական նախաձեռնությանը։
«Այս որոշումը բխում է ՀՀ-ում խորքային և իրական քաղաքական փոփոխությունների անհրաժեշտությունից, անվտանգային խնդիրների միասնական ճակատով լուծման կարևորությունից, ինչպես նաև ժողովրդավարական զարգացման և արժանապատիվ պետական կառավարման ձևավորման շուրջ առկա միասնական տեսլականից։
Այս միավորումը կարևոր քայլ է քաղաքական և արժեքային համախմբման ձևավորման ճանապարհին՝ նպատակ ունենալով վերականգնել հանրային վստահությունը, իրապես լսելի դարձնել քաղաքացիների ձայնը և խթանել քաղաքական գործընթացների բովանդակային փոփոխությունը։ Հայաստանի առջև ծառացած մարտահրավերները հնարավոր է հաղթահարել միայն լայն համախմբման և պատասխանատու քաղաքական գործունեությանմիջոցով»,- նշված է համատեղ հայտարարության տեքստում։
Կարդացեք նաև
