Sputnik Արմենիա – Թեհրանի Սուրբ Սարգիս հայկական եկեղեցու մոտ ևս պայթյունի ծուխ է երևում․ լուսանկարը հրապարակել է Tasnim գործակալությունը։ Եկեղեցին Թեհրանի կենտրոնում է` հայկական թաղամասում։
IRNA-ն հաղորդում է, որ Իրանի Շիրազ քաղաքը նույնպես ենթարկվել է ԱՄՆ-ի և Իսրայելի հարձակմանը։
Իրանի պատասխան հարվածների կադրեր են հրապարակվել Աբու Դաբիից (տեսանյութում) և Դուբայից։ Մեկ մարդ զոհվել է, երբ հրթիռի բեկորները ընկել են Աբու Դաբիի բնակելի շենքի վրա, հաղորդում է ԱՄԷ պետական լրատվական գործակալությունը։ CBS-ը հաղորդում է, որ Հորդանանում գտնվող ամերիկյան բազաները նույնպես ենթարկվել են իրանական հարվածների։ Այդպիսով, այս պահին այս հարձակմանը, բացի ԱՄՆ-Իսրայելից ու Իրանից, այս կամ այն կերպ ներգրավված են նաև Բահրեյնը, Իրաքը, Արաբական Միացյալ Էմիրությունները, Սաուդյան Արաբիան, Կատարը, Քուվեյթը։
Իրանում Ռուսաստանի դեսպանատունը կոչ է արել իր քաղաքացիներին օգտագործել երկրից դուրս գալու օպտիմալ երթուղիները՝ Աստարայով դեպի Ադրբեջան և Նուրդուզ/Ագարակ անցակետով դեպի Հայաստան։
