Շախմատի միջազգային ֆեդերացիան հրապարակել է վարկանիշային դասակարգման հերթական ցուցակը։
Տղամարդկանց թոփ 100-ում Հայաստանը ներկայացված է երկու շախմատիստով։ Շանթ Սարգսյանը զբաղեցնում է 58-րդ հորիզոնականը, Արամ Հակոբյանը՝ 98-րդը։ Կանանց լավագույն 100-յակում Էլինա Դանիելյանը 45-րդ տեղում է, Մարիամ Մկրտչյանը՝ 72-րդը, Լիլիթ Մկրտչյանը՝ 77-րդը։
Տղամարդկանց եւ կանանց ուժեղագույնների ցուցակում են նաեւ ԱՄՆ-ը ներկայացնող Լեւոն Արոնյանը, Սամուել Սեւյանը, Աննա Սարգսյանը, Տաթեւ Աբրահամյանը, ինչպես նաեւ Կարինա Համբարձումովան (Ռուսաստան)։
Աշոտ ՀԱԿՈԲՅԱՆ
