Վլադիմիր Պուտինը ցավակցություն է հայտնել Իրանի Իսլամական Հանրապետության նախագահ Մասուդ Փեզեշքիանին՝ Հանրապետության Գերագույն առաջնորդ Սեյեդ Ալի Խամենեիի և նրա ընտանիքի անդամների սպանության կապակցությամբ
Ռուսաստանի պետության ղեկավարի հեռագրում, մասնավորապես, ասվում է․
«Խնդրում եմ ընդունել իմ խորին ցավակցությունը Իրանի Իսլամական Հանրապետության Գերագույն առաջնորդ Սեյեդ Ալի Խամենեիի և նրա ընտանիքի անդամների սպանության կապակցությամբ, որը կատարվել է մարդկային բարոյականության և միջազգային իրավունքի բոլոր նորմերի ցինիկ խախտմամբ։
Մեր երկրում այաթոլլահ Խամենեին կհիշեն որպես նշանավոր պետական գործչի, որը մեծ անձնական ներդրում է ունեցել ռուս-իրանական բարեկամական հարաբերությունների զարգացման գործում և դրանք հասցրել է համապարփակ ռազմավարական գործընկերության մակարդակի։
Կարդացեք նաև
Խնդրում եմ փոխանցել իմ ամենաանկեղծ կարեկցանքի և աջակցության խոսքերը Գերագույն առաջնորդի հարազատներին ու մերձավորներին, Իրանի կառավարությանը և ողջ իրանցի ժողովրդին»։
