Aravot.am-ի տեղեկություններով փետրվարի 27-ին Քննչական կոմիտեի Հատկապես կարեւոր գործերի Տաշիրի բաժնից զեկուցագիր է ստացվել այն մասին, որ փետրվարի 9-ին ՀՀ ԱԱԾ Լոռու մարզային վարչությունից ստացված տվյալների համաձայն Լոռու մարզի Միխայլովկա համայնքի միջնակարգ դպրոցում, որպես ուսուցչի օգնական աշխատող Ն. Կ.-ն իր բնակության վայրի վերաբերյալ ներկայացնելով կեղծ տվյալներ՝ օգտվել է պետության կողմից տրանսպորտային ծառայությունների դիմաց տրամադրվող փոխհատուցման կարգից :
Ստացված տվյալների հիման վրա կատարված ստուգումներով պարզվել է, որ Ն․Կ-ն աշխատում է Միխայլովկա համայնքի միջնակարգ դպրոցում, սակայն բնակվում է Միխայլովկայում եւ ոչ թե Կաթնառատ գյուղում, որտեղ հաշվառված է:
Ըստ նույն աղբյուրի, նա 2023-2025 թթ․ ընթացքում օգտվել է տրանսպորտային ծառայությունների դիմաց տրամադրվող փոխհատուցման կարգից, եւ պետությունից ստացել է ճանապարհածախս՝ ընդհանուր 256․730 դրամ գումար։
Փաստաթղթերն ուղարկվել են Ստեփանավանի քննչական բաժին։
