Ermenihaber. Իրանի շուրջ ռազմական իրավիճակի սրման պայմաններում Թուրքիայի նախագահ Ռեջեփ Թայիփ Էրդողանը մի շարք հեռախոսազրույցներ է ունեցել աշխարհի առաջնորդների հետ՝ փորձելով կանխել հակամարտության հետագա խորացումը։
Թուրքական կողմի հաղորդմամբ՝ Էրդողանը զրուցել է ԱՄՆ նախագահ Դոնալդ Թրամփի, Կատարի, Արաբական Միացյալ Էմիրությունների, Սաուդյան Արաբիայի և Քուվեյթի ղեկավարների, ինչպես նաև Եվրահանձնաժողովի նախագահ Ուրսուլա ֆոն դեր Լայենի հետ։ Քննարկումների առանցքում եղել են Իսրայելի և ԱՄՆ-ի կողմից Իրանի դեմ իրականացված հարվածները, Իրանի պատասխան գործողությունները և դրանց հնարավոր հետևանքները տարածաշրջանի համար։
Թուրքիայի նախագահը նշել է, որ հակամարտության շարունակությունը կարող է վտանգավոր զարգացումներ առաջացնել ոչ միայն Մերձավոր Արևելքում, այլև գլոբալ մակարդակով։ Նա ընդգծել է, որ խնդիրների լուծման միակ իրատեսական ճանապարհը բանակցություններն են։
Էրդողանը նաև ցավակցական ուղերձ է հղել Իրանի հոգևոր առաջնորդ Այաթոլլա Ալի Խամենեիի մահվան կապակցությամբ՝ հայտնելով, որ Թուրքիան պատրաստ է աջակցել լարվածության թուլացմանն ու խաղաղության վերականգնմանը միտված բոլոր նախաձեռնություններին։
Կարդացեք նաև
Անկարան, փաստորեն, փորձում է հանդես գալ որպես միջնորդական դերակատար՝ միաժամանակ պահպանելով կապերը արևմտյան երկրների ու տարածաշրջանային խաղացողների հետ։
