«Առողջապահության ապահովագրության ներդրմանը զուգահեռ ու համատեղ քաղաքացիների դիմելիության աննախադեպ աճ է գրանցվել բժշկական հաստատություններում։ Դրա հետ կապված, այո, ունեցել ենք որոշակի խնդիրներ»,- ի պատասխան պատգամավոր Թագուհի Թովմասյանի՝ առողջապահության համընդհանուր ապահովագրության ներդրումից հետո առաջացած խնդիրների բարձրաձայնմանն ասաց ՀՀ ԱԺ Առողջապահության հարցերի մշտական հանձնաժողովի նախագահի՝ ՔՊ-ի կողմից առաջադրված թեկնածու Վանիկ Օհանյանը։
Նա ընդունեց, որ բժիշկների աշխատավարձերի հետ կապված խնդիրներ կան ու ասաց․ «Նեղ մասնագետներին վերաբերող աշխատավարձի՝ ցածր հաշվարկային լինելու՝ հունվար ամսվա հետ կապված խնդիրը պայմանավորված է մուտքագրման խնդիրների, առաջացած ծավալների՝ չհասցնելու պատճառով։ Փետրվարին այն բոլոր խնդիրները, որոնք հունվարին են առաջացել, կարող են վերահաշվարկվել և հետադարձ վճարվել փետրվարին՝ հունվարի համար»։
ԱԺ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
Հ. Գ. «Առողջության իրավունք» ՀԿ նախագահ Անուշ Պողոսյանը ֆեյսբուքյան իր էջում այս առնչությամբ մասնավորապես գրել է. «Առողջապահության հարցերի մշտական հանձնաժողովի նախագահի թեկնածուն հայտարարում է, որ բուժաշխատողները աշխատավարձ չեն ստացել, քանի որ եղել են աննախադեպ թվով հիվանդների այցեր։
Այսինքն՝
շատ են աշխատել, դրա համար էլ աշխատավարձ չեն ստացել։
Հ․Գ․ Նոր ֆինանսական մոդել․
շատ հիվանդ = շատ աշխատանք = քիչ աշխատավարձ։
ԱԿՈՒՆՔ ԻՄԱՍՏՈՒԹՅԱՆ․․․․․»:
