«Էդ ունեցվածքը դեռ տնօրինվում է այդ մարդկանց կողմից․ օրինակ՝ Աղվան Հովսեփյանը մի մեծ ցանկ ունի, բայց ինքը Սարյանի վրայի իր հսկա տնից դուրս է գալիս, ճոխ մեքենաներով հետո գնում է Բյուրական։ Հասարակությունը դա տեսնում է, և հարց է առաջանում՝ պահանջարկը կա բացահայտումների և իրացման։ Եթե կոռուպցիոն դրսևորումների արդյունքում փող է կուտակվել, անշարժ գույք, օր առաջ պետք է ստանա դա իր առանձնացումը տվյալ անձնավորությունից, որը քրեադատավարական գործընթացներով պետք է կարողանա տալ այդ հարցերի պատասխանը։ Այս հարցի պատասխանը ո՞նց եք տեսնում»,- ԱԺ նիստի ընթացքում Հակակոռուպցիոն կոմիտեի նախագահ Արթուր Նահապետյանին հարցրեց ՔՊ խմբակցության պատգամավոր Անդրանիկ Քոչարյանը։
Արթուր Նահապետյանը պատասխանեց․ «Հակակոռուպցիոն կոմիտեն զբաղվում է կոռուպցիոն հանցագործությունների նախաքննությամբ։ Երբ արգելադրման ենթակա գույք հայտնաբերվում է, կիրառվում են արգելադրումներ։ Ձեր կողմից նշված գույքերի հետագա ճակատագրի որոշումը դատական գործընթացների հետ կապված հարցեր են, ինչը Հակակոռուպցիոն կոմիտեի լիազորությունը չէ։ Դա գտնվում է դատախազության տիրույթում»։
ԱԺ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
