«2018-ը եղել է, քանի որ էդ կոռուպցիան հասցրեց նրան, որ մենք 44-օրյա պատերազմում պետք է արձանագրեինք պարտություն։ Կոռուպցիան բանակում էր»,-ԱԺ նիստի ժամանակ հայտարարեց ՔՊ խմբակցության պատգամավոր Անդրանիկ Քոչարյանը։
Ըստ պատգամավորի՝ քաղաքական կոռուպցիան գոյություն ունի․ «Քաղաքական գործիչները՝ նախկին պաշտոնյաները, իրենց ունեցվածքը որպեսզի փրկեն, իրենց գումարի մի մասը քաղաքական հարթակում են ծախսում, որ ստեղծեն միավորներ, որ իրենց պաշտպանեն, բայց չի ստացվելու։ Մեր խնդիրն է՝ փրկենք այս երկիրը, վերադարձնենք ունեցվածքը։ Հայցերը, երբ վերածվեն գումարի, հսկայական միջոցներ են»։
Անդրանիկ Քոչարյանը նշեց, որ մինչև Արցախից գալը՝ Ռոբերտ Քոչարյանը և մյուսները ոչ մի բան չունեին ու նշեց․ «Հիշում եմ Քոչարյանի դեղին «Զապոռոժեցը» և Վաչոյի «Ռաֆը», մինչև ՀՀ գալը ոչինչ չունեին»։
Կարդացեք նաև
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
