Երկրապահ կամավորականների միության անդամները՝ նախագահ, ԱԺ պատգամավոր Սասուն Միքայելյանի ուղեկցությամբ այսօր այցելեցին Եռաբլուր՝ Վազգեն Սարգսյանի ծննդյան առիթով հարգանքի տուրք մատուցելով։
«Շնորհավորում եմ սպարապետի երկնային ծնունդը։ Սպարապետին հիշում են իր կատարած գործերով, որ այդ տարիներին կարողացավ համախմբել բոլոր ջոկատներին, արցախյան պատերազմում տարանք հաղթանակ ու Երկրապահի հիմքի վրա ծնվեց հայոց բանակը»,-լրագրողների հետ ճեպազրույցում ասաց Սասուն Միքայելյանը։
Արդյոք այսօրվա Հայաստանը սպարապետի երազած Հայաստանն է՝ առանց Արցախի, առանց հպարտության՝ հարցրին Սասուն Միքայելյանին։ «Բնական է, ոչ բոլորիս երազած Հայաստանն է սա, բայց մեղավորներին հարցրեք։ Մենք սպարապետի գլխավորությամբ մեր գործը փայլուն կատարել ենք՝ ազատագրել ենք մեր տարածքները։ Հետագայում մեր քաղաքական դաշտում պիտի ամեն ինչ կարգավորվեր, զորանայինք։ Նախորդ բոլոր նախագահները գիտակցում էին, որ բանակցային փուլով հարց չի լուծվի, պետք է եթե գոնե թշնամուն ոչ հավասար, ապա պաշտպանվելու համար պիտի զինվեինք»,-ասաց Սասուն Միքայելյանը։
ԵԿՄ նախագահը լրագրողներին առաջարկեց նախորդ իշխանություններից հարցնել, թե ինչու հանձնեցին հողերը։ «Այս ամենը Հոկտեմբերի 27-ի շարունակությունն է, որը չի բացահայտվել։ Եվ մենք երկրապահներս պահանջատեր եք, որ այդ գործը բացահայտվի»,-ասաց Սասուն Միքայելյանը։
Կարդացեք նաև
Ըստ ԵԿՄ նախագահի, Նիկոլ Փաշինյանը երկրի արտաքին քաղաքականությունը նորմալ վարում է, քանի որ Հայաստանում արդեն խաղաղություն է հաստատվել։
Արմեն ԴԱՎԹՅԱՆ
