«Յուրաքանչյուրն իր նախընտրական քարոզը տանում է յուրովի, ինչպես արդյունավետ է համարում։ Ես առանձնապես էդպես կոշտ որեւէ քննադատություն չեմ լսել»,- իր գործով դատական նիստի ավարտից հետո, լրագրողների հետ զրույցում ասաց ՀՀ երրորդ նախագահ Սերժ Սարգսյանը։
Հարցը վերաբերում էր «Միասնության թեւեր» նախաձեռնության համակարգող Արման Թաթոյանի՝ նախկին նախագահների հասցեին հնչեցրած քննադատություններին։ Հիշեցնենք, նա հայտարարել էր, որ նախկին նախագահները պետք է հեռանան քաղաքական ասպարեզից։
Ինչ վերաբերում է իշխանական ճամբարից հնչող հայտարարություններին՝ Արման Թաթոյանի եւ Սերժ Սարգսյանի կապի մասին, Սերժ Սարգսյանն ասաց, որ Արման Թաթոյանի հետ որեւէ քաղաքական համագործակցություն չունի եւ չի ունեցել։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ


















































