Թուրքիայի արտաքին գործերի նախարարության մամուլի խոսնակ Օնջու Քեչելին անդրադարձել է Էգեյան ծովի կղզիների ապառազմականացված կարգավիճակին։ Նա մասնավորապես նշել է.
«Մենք համարում ենք, որ վերջին հայտարարությունները, որոնք հակասում են Էգեյան ծովում կղզիների ապառազմականացված կարգավիճակին անլուրջ են, անհաջող և ժամանակավրեպ։ Ոչ մի կասկած չկա Էգեյանի արևելյան հատվածի կղզիների և Դոդեկանեսի օբյեկտիվ իրավական կարգավիճակի վերաբերյալ, որոնք ապառազմականացված կարգավիճակի տակ են դրվել 1923-ի Լոզանի խաղաղության պայմանագրի և 1947-ի Փարիզի խաղաղության պայմանագրի շրջանակներում»։
Հաշվի առնելով այս իրավիճակը, զարմանալի չէ, որ որոշ շրջանակներ, ձգտում են շահարկել տարածաշրջանում տեղի ունեցող վերջին զարգացումները և ամեն առիթով փորձում են թունավորել երկկողմ հարաբերությունները ՆԱՏՕ-ի դաշնակից Հունաստանի հետ։
Հոդվածն ամբողջությամբ՝ սկզբնաղբյուրում:
