Շիրակի մարզում իր թիմակիցների հետ շրջայց կատարած Նիկոլ Փաշինյանը կանգառ ունեցավ Արթիկ խոշորացված համայնքի Պեմզաշեն գյուղում։ «Մենք ձեզ հետ ենք, Փաշինյան ջան»,- ասացին գյուղացիները` բարձրաձայնելով ոռոգման ջրի հարցը։ Վարչապետը պատասխանեց, որ իրենց նախընտրական ծրագրում խաղաղությունից հետո երկրորդ կարևոր տեղը զբաղեցնում է ջրի խնդիրը, պետք չէ հիշեցնել, քանի որ դա իրենց ուշադրության կենտրոնում է։
Երբ նա հեռանում էր, տարեց մի տղամարդ մոտեցավ` ասելով. «Ձեր ականջին ուզում եմ մի բան ասել»։ Նիկոլ Փաշինյանը զգուշացրեց, որ իր վրա միկրոֆոն կա։ «Ավելի լավ»,-ասաց տղամարդը` շշնջալով` «էդ կեղտոտներին ե՞րբ պիտի վերացնենք»։ Ակնհայտ էր, որ Նիկոլ Փաշինյանին շատ դուր եկավ նրա ասածը, լայն ժպտաց` պատասխանելով. «Օրենքի երկիր է, միայն օրենքով»։
Նունե ԱՐԵՎՇԱՏՅԱՆ
«Վարչապետը պատասխանեց, որ իրենց նախընտրական ծրագրում խաղաղությունից հետո երկրորդ կարևոր տեղը զբաղեցնում է ջրի խնդիրը, պետք չէ հիշեցնել, քանի որ դա իրենց ուշադրության կենտրոնում է»։
Միամիտ գյուղացիները երևի չհասկացան, թե նիկոլն էդ խոսքերով ինչ էր ուզում ասել, իսկ նա ակնարկում էր հետևյալը՝ «Ինչպես Արցախում խաղաղություն հաստատեցինք, նույն ձևով էլ հողերի ոռոգման հարցը «կջրենք», դա է մեր գործը»։