Թաիլանդի մայրաքաղաք Բանգկոկում մեկնարկած բռնցքամարտի Futures Cup U 19 մրցաշարում Հայաստանի երիտասարդական հավաքականի անդամ, 60 կգ քաշային Կարեն Զախարյանն արդեն հասցրել է երկու հաղթանակ տոնել։
Որակավորման փուլում մեր բռնցքամարտիկը մրցավարների միաձայն որոշումով 5։0 հաշվով պայքարից դուրս է թողել նախ Եգիպտոսի ներկայացուցչին, իսկ այսօր նաեւ ֆինն մրցակցին։ Այժմ մեր մարզիկը 1/8 եզրափակչում մենամարտելու է ուկրաինացի Իվան Շուլխայի հետ։
Ցավոք, առաջին իսկ մենամարտից հետո պայքարից դուրս է մնացել 50 կգ քաշային Տիգրան Կիրակոսյանը, որը պարտվել է Ուզբեկստանի ներկայացուցչին։ Իսկ Հայաստանի վերջին մասնակիցը՝ 65 կգ քաշային Սուրեն Կատվալյանը պայքարի մեջ ներգրավվելու է մարտի 11-ին։
Աշոտ ՀԱԿՈԲՅԱՆ


















































