Սերբիայի Զրենյանին քաղաքում մեկնարկած ըմբշամարտի Մ-23 Եվրոպայի առաջնությունում մրցագորգն առաջինը տրամադրվել է ազատ ոճայիններին։ Հայաստանն այստեղ հանդես է գալիս 10 ըմբիշով։
Մեր տղաներից երեքը արդեն բրոնզե մեդալի համար գոտեմարտելու իրավունք են ստացել։ 57 կգ քաշային կարգում Արման Հարությունը հանդիպելու է Բելառուսի ներկայացուցիչ Արտյոմ Պավլյուչենկոյին, 65 կգ քաշային Արման Մուսիկյանի մրցակիցը ադրբեջանցի Մուսա Աղաեւն է, իսկ Դավիթ Մարգարյանը բրոնզե մեդալի համար գոտեմարտելու է գերմանացի Մարսել Վագինի հետ։
Մեր եւս երեք ըմբիշներ՝ 61 կգ քաշային Լեւիկ Միքայելյանը, 92 կգ՝ Կնյազ Իբոյանը եւ 125 կգ՝ Խաչատուր Խաչատրյանը, որոնք պայքարը սկսել են ավելի ուշ, առայժմ քառորդ եզրափակիչ փուլում են։
Աշոտ ՀԱԿՈԲՅԱՆ


















































