ՆԳ նախարար Արփինե Սարգսյանի գլխավորությամբ մարտի 10-ին տեղի է ունեցել ՆԳ նախարարին կից հասարակական խորհրդի անդրանիկ նիստը։
Նախարարը խորհրդի կազմում ընդգրկվելու կապակցությամբ շնորհավորել է ներկաներին՝ ընդգծելով, որ նրանց փորձառությունը թույլ կտա համատեղ քննարկումների միջոցով նախանշել լուծումներ, որոնք կնպաստեն նախարարության որդեգրած քաղաքականության արդյունավետ իրականացմանը։
Արփինե Սարգսյանը ներկայացրել է 2025 թվականին ՆԳ նախարարության ռազմավարական միջոցառումների կատարման առաջընթացը՝ անդրադառնալով նախարարության, նախարարության ենթակա մարմինների՝ Ոստիկանության, Փրկարար ծառայության և Միգրացիայի և քաղաքացիության ծառայության ոլորտներում գրանցված արդյունքներին, ՀՀ-ԵՄ վիզաների ազատականացման գործընթացին, որտեղ ՆԳՆ-ն համակարգող դեր ունի։
Նախարարն առանձին անդրադարձ է կատարել հանցավորության դեմ պայքարին՝ փաստելով, որ 2025 թվականին հանցագործությունների թիվը նվազել է 3.2 %-ով։ Շեշտադրվել է հանցավոր վարքագծին նպաստող քրեական ենթամշակույթի դեմ հանրային միասնական մերժողական վերաբերմունքի ձևավորման կարևորությունը։
Կարդացեք նաև
Նիստի ընթացքում քննարկվել են ՆԳՆ համակարգի ծառայողների հաղորդակցության կարողությունների լավարկման, մասնագիտական վերապատրաստումների, կոնկրետ հանցագործությունների, ընտանեկան բռնության դեմ պայքարի, հանրային իրազեկման միջոցառումների վերաբերյալ հարցեր։
Ծավալվել է ակտիվ քննարկում։
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԵՐՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆ
