-Ես Հայ Առաքելական սուրբ եկեղեցու զավակ եմ, 13 տարի ծառայել եմ Արարատյան հայրապետական թեմում: Հենց Նիկոլ Փաշինյանի պատճառով ինձ հեռացրել են թեմից ,- այսօր կառավարության շենքի դիմաց «Ուժեղ Հայաստան» կուսակցության առաջնորդ, բարերար Սամվել Կարապետյանին ազատ արձակելու պահանջով կազմակերպված բողոքի ցույցի շրջանակներում լրագրողների հետ զրույցում ասաց Արարատյան թեմի երիտասարդաց միությունների ծրագրերի նախկին համակարգող եւ Առաջնորդանիստ Սուրբ Սարգիս եկեղեցու երիտասարդաց միության նախկին ատենապետ, «Ուժեղ Հայաստանի» անդամ Անուշ Վարդանյանը:
Նրա պատմելով, երբ Փաշինյանը Սուրբ Սարգիս եկեղեցի էր եկել պատարագի ու հրահանգ էր եղել զեղչել Վեհափառ հայրապետի անունը, ինքը մի խումբ երիտասարդների հետ չզեղչեցին, ինչի համար հեռացվեց թեմից:
Հիշեցնենք, որ այսօր՝ Սամվել Կարապետյանի դատական նիստի օրը, ամբողջ քաղաքում ի պաշտպանություն Սամվել Կարապետյանի եւ նրա ազատության պահանջով, նրա աջակիցներն ու կուսակցական ընկերները ֆլեշմոբ, բողոքի ցույցեր են անցկացնում:
Կարդացեք նաև
Արփինե ՍԻՄՈՆՅԱՆ


















































