«Այս իշխանությունների պարագայում որևէ բան չեմ բացառում և չեմ բացառել։ Հաշվի առնելով իրենց գործելաոճը՝ 2021-ի կառավարության ծրագիրը, նախընտրական ծրագիրը, հիշում եք՝ ինչքան բան կար այնտեղ ու ինչքան բան չկա այսօր՝ Արցախից սկսած»,-հարցին՝ ի՞նչ ճակատագիր է սպասվում ՀԷՑ-ին, տարբեր միջազգային կառույցներից անգամ ուղիղ հայտարարություններ էին անում, թե քննարկվում է ՀԷՑ-ի հանձնումը թուրքական ընկերության, դատարանի բակում՝ Քննչական կոմիտեի կողմից Սամվել Կարապետյանի կալանքի երկարաձգման միջնորդության քննության դատական նիստի ընթացքում լրագրողների հետ զրույցում ասաց «Հայաստանի էլեկտրական ցանցեր» ՓԲԸ–ի տնօրենի նախկին ժամանակավոր պաշտոնակատար Դավիթ Ղազինյանը։
Նա վստահեցրեց՝ ՀԷՑ-ը միշտ եղել է ժողովրդինը` անգամ Սամվել Կարապետյանի՝ սեփականատեր եղած ժամանակ․ «Համոզված եմ՝ լինելու է ժողովրդինը։ Եթե ինչ-որ գործընթացներ արվում են, ընտրությունների միջոցով միանշանակ արդարությունը կվերականգնվի»։
Հարցին՝ եթե ձեր ուժին թույլ չտան մասնակցել ընտրություններին, պլան B ունե՞ք, Դավիթ Ղազինյանը պատասխանեց․ «Նաև B, C, D պլաններ ունենք»։
Կարդացեք նաև
Լրագրողները հետաքրքրվեցին՝ Արտաքին հետախուզության ծառայության հայտարարության մասին ի՞նչ գնահատական ունեք, ո՞վ, ո՞ւմ է ճնշում, Դավիթ Ղազինյանը պատասխանեց․ «Եթե մեր ուժի առաջնորդը մարդ է, որը երկար տարիներ անցկացրել է դրսում, այնտեղ է իր կարողությունը, իր աշխատանքի արդյունքները, կունենա, չէ՞, շատ համակիրներ՝ ՀՀ քաղաքացիներ, բայց դրսում աշխատող ու արարող»։
Հարցին՝ ՌԴ-ից մարդ բերելո՞ւ եք, Դավիթ Ղազինյանը պատասխանեց․ «ՌԴ-ից մարդիկ չենք բերելու․ մենք նման ծրագիր չունենք, ՌԴ-ին թիրախավորելը շատ սխալ է, ես կարծում եմ, իմ ունեցած տեղեկություններով, զանգերով հասկանում եմ՝ ոչ միայն ՌԴ-ից, այլև ամբողջ աշխարհից հույսը տեսնելով՝ մարդիկ միգուցե գան։ Որպես այդպիսին՝ կազմակերպվածություն չկա»։
Դատարանի բակից ուղիղ հեռարձակումն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
