«Կարծում եմ՝ ընդհանրապես ընդդիմադիր դաշտի թիրախավորման, ճակատավորված աշխատանքի դեպքում հնարավոր է հասնել շոշափելի դրական արդյունքների»,- Հակակոռուպցիոն դատարանի բակում լրագրողների հետ զրույցում ասաց Վանաձորի ընտրված, բայց չպաշտոնավարած քաղաքապետ Մամիկոն Ասլանյանը։
Ինչպես արդեն տեղեկացրել ենք, այս պահին դատարանը քննում է Քննչական կոմիտեի միջնորդությունը՝ մեկ ամսով երկարաձգել Սամվել Կարապետյանի տնային կալանքը։
Նա նշեց․ «Սամվել Կարապետյանը գոնե թե իր ապրած կյանքով կարողացել է ապացուցել, որ իր խոսքերը բնավ փոշի կամ օդ չեն, և իր ապրած կյանքը գրավականն է, որ կկատարի իր խոստումները։ Թող թողնեն բանտից, մարդը վերցնի առաջնորդությունը և ստեղծի աշխատատեղերը, 20․000 բնակարանները, երկրի միջազգային անվտանգությունն ունենա ամրապնդումներ, այլապես քաղաքական մրցակիցներին քաղաքական հաշվեհարդարի մեջ պահել, կալանքի տակ պահել, զրկել խոսքի իրավունքից և ֆեյք պիտակավորումներով հանդես գալը ամենաանշնորհակալ գործն է»։
Կարդացեք նաև
Հակակոռուպցիոն դատարանի բակից ուղիղ եթերն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
