ԱԺ «Պատիվ ունեմ» դաշինքի պատգամավոր, Արցախի Հանրապետության նախագահի նախկին խորհրդական Տիգրան Աբրահամյանի ֆեյսբուքյան գրառումը
Իշխանությունը օրակարգ պահելու համար սուջուխ էլ կուտի, պեռաշկի էլ․ պետք լինի՝ ճաշն իրար գլխին կլցնեն, կհրեն իրար, ցեխն էլ կգցեն։ Վերջինը՝ նաև բառի քաղաքական իմաստով։
Բայց փաստ է, որ ամոթանքի, ծաղրի, իսկ որոշների՝ հիացմունքի դրսևորման պայմաններում իշխանությունը շարունակում է օրակարգն «ատամներով պահել»։
Իշխանությանը հաղթելու համար նախ նրան պետք է զրկել օրակարգը վերահսկելու և մթնոլորտ թելադրելու հաղթաթղթից, իսկ հետո ներկայացնել այլընտրանքը։
Կարդացեք նաև
Ի դեպ, այլընտրանքի սկզբունքը պետք է դառնա ոչ թե անցյալի տարբեր դրվագների հիշեցումները, այլ հանրությանը նոր առաջարկի ձևակերպումը։
Անցյալի դրվագները պետք են արժեհամակարգը մաքուր պահելու, նոր սերունդը դաստիարակելու, դասեր քաղելու համար, բայց քաղաքական իրողությունները զուգահեռ այլ պահանջներ են ձևավորում, որոնցից փախչել կամ դրանք շրջանցել պարզապես չի ստացվի։
