Արցախի տարածքային կառավարման և ենթակառուցվածքների նախկին նախարար Հայկ Խանումյանի ֆեյսբուքյան գրառումը
Արցախցիների վերաբերյալ որոշումների ընդունումները տեղի են ունենում առանց արցախցիների հետ քննարկման, ՀՀ կառավարությունն այս հարցերում գործում է արհամարհելով մասնակցայնության սկզբունքը։ Բոլոր կարևոր որոշումներն ընդունվել են այդպես։
Միջոցառում կազմակերպել, որտեղ մարզպետարանների ու խոշորացված համայնքների աշխատակից արցախցիները թղթով ու առանց թղթի շնորհակալություն կհայտնեն կառավարությանն ու համայնքային իշխանություններին՝ բրեժնևյան շրջանից հետո չկիրառվող մեթոդ է։
Պետք չէ վերադառնալ բրեժնևյալ ժամանակաշրջան, ավելի լավ է աշխատել արցախցիներին ներկայացնող գործիչների հետ, ապահովել մասնակցայնություն, ավելի արդյունավետ դարձնել գործող ծրագրերը, մշակել նորերը։ Այդպիսի ներկայացուցիչներ որպես, կարող են հանդես գալ Արցախի համայնքների ղեկավարները, շրջանների ղեկավարները, նրանք պահպանում են կապերն իրենց բնակչության հետ, լավ տեղյակ են խնդիրներին, կարող են արդյունավետ լուծումներ առաջարկել։
Կարդացեք նաև
Տեսնում ենք, որ ՀՀ կառավարությունը խուսափում է շփվել Արցախի քաղաքական-պետական շրջանակների հետ, այս դեպքում լավագույն ինստիտուտը Արցախի տեղական ինքնակառավարման ու տարածքային կառավարման մարմինների ներկայացուցիչներն են, որոնք քաղաքականացված չէին։
