«Ձեններդ կտրեք, տեղներդ նստեք»,- սա ՀՀ պաշտպանության նախարար Սուրեն Պապիկյանի արձագանքն է՝ բանակի, սպառազինության, բանակում կառավարման մասին քննադատությամբ «աղյուսակներով խոսողներին»։
«Տպավորություն է, որ նույն կենտրոնից հարցի հասցեատերերը ստացել են նամակ կամ հանձնարարություն՝ խոսել անվտանգությունից, թիրախավորել անվտանգությունը»,- ասաց Սուրեն Պապիկյանը՝ հավելելով, որ այդ մարդիկ օգտվում են ոլորտի գաղտնիությունից եւ ՔՊ-ի համեստությունից։
Սուրեն Պապիկյանը հայտարարեց՝ Ռոբերտ Քոչարյանի եւ Սերժ Սարգսյանի նախագահության շրջանում 5,4 անգամ բանակի սպառազինության եւ ռազմական տեխնիկայի գնման վրա ավելի պակաս ծախս է արվել, քանի միայն իր պաշտպանության նախարար եղած ժամանակ։
Մանրամասները՝ տեսանյութում
Կարդացեք նաև
«Նախորդ քաղաքական համակարգերի մաս կամ նրանց հոգեզավակներն են բանակը թիրախավորում»,- հայտարարեց Սուրեն Պապիկյանը՝ ասելով, որ այս հարցը նախորդ՝ ԱԳ նախարար Արարատ Միրզոյանին տրված հարցի շարունակությունն է։
Question and answer session between the members of the RA National Assembly and the RA Government took place at the RA NA
Իսկ Արարատ Միրզոյանն անդրադարձել էր ընդդիմադիր առաջնորդների այն հայտարարություններին, որ խաղաղությունը պետք է մի քանի միջազգային երաշխավորներ ունենա․ «Վերջին օրերին մեր ընդդիմադիր խմբակները «երաշխավորացավ» են կպել։ Որ մի քիչ փորձենք հիշենք, դրանից մի երկու շաբաթ առաջ եւ մի 4 տարի շարունակ ընդհանրապես խաղաղությունը չէին ընդունում։ Հիմա էլ ունեն նարատիվներ, այդ թվում՝ նաեւ Ղարաբաղը հետ բերելու մասին, որոնք ուղղակի հակասում են խաղաղությանը։ Հիմա նոր բան են մտածել, խաղաղություն՝ երաշխավորված»։
Արարատ Միրզոյանը կարծում է, որ երաշխավորները հետապնդում են իրենց շահը․ «Միջազգային հարաբերություններում ոչ մեկը ոչ մեկի սիրուն աչքերի համար չի գնում, երաշխավորություն չի անում, իր զինվորների արյունը չի թափում։ Գիտենք տասնյակներով երաշխավորված խաղաղություններ, որոնք հետո խախտվել են, խախտվել են նաեւ երաշխավորների կողմից»։ Արարատ Միրզոյանը պնդում է՝ խաղաղության ամրությունը ոչ թե երաշխավորներով է, այլ՝ փոխշահավետությամբ։
Բանակի խնդիրներին անդրադարձավ նաեւ ՔՊ խմբակցության պատգամավոր Արփի Դավոյանը։ Ի պատասխան նրա հարցի, Սուրեն Պապիկյանն ասաց՝ ընդդիմադիրները մեզ անվտանգությունից դասեր տալու իրավունք չունեն։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Եթե ընդդիմադիրները քեզ դասեր տալու իրավունք չունեն, բա ով? ունի էդ իրավունքը, հող հանձնող անկիրթ նիկոլը?։ Սրա խոսելու ձևը նայեք, պոռոտախոսությունը։
Ում է? է պետք գնածդ սպառազինությունը, եթե դրանով ոչինչ չես անում, թուրքը Սև լճի տարածքում ու Ջերմուկի մոտերը դեռ նստած ա։ Ավելի լավ չի?, որ դու ձենդ կտրես ու ռադդ քաշես էդ պաշտոնից։