«Մոտ 4 շաբաթ է՝ մեր հարևան Իրանը գտնվում է շատ լուրջ ռազմական բախման մեջ։
Նաև հայտնի է, որ «Հյուսիս-հարավ» ճանապարհի մի հատվածն իրականացվում է մեր հարևան շինարարների կողմից։ Արդյոք պատերազմական գործողությունների հետևանքը զգացվե՞լ է նաև «Հյուսիս-հարավ»-ի վրա, ի՞նչ վիճակ է»,- ԱԺ-կառավարություն հարցուպատասխանի ժամանակ ՏԿԵ նախարար Դավիթ Խուդաթյանին հարցրեց պատգամավոր Գեղամ Նազարյանը։
Դավիթ Խուդաթյանն ասաց, որ խոսքը Քաջարան-Ագարակ հատվածի մասին է, որտեղ շինարարություն է իրականացնում իրանական կապալառու ընկերությունը։ «Այս հատվածում աշխատանքներն իրականացվում են օրացուցային գրաֆիկին համապատասխան, գործընկերներն այս ամբողջ ընթացքում շարունակել են որակյալ աշխատանք իրականացնել։ Մենք այնտեղ շուրջ 45 տոկոս կատարված աշխատանք ունենք, երկու թունելների փորման աշխատանքներն էլ կատարվել են, 15 կամուրջներից 14-ի վրա ակտիվ շինարարական աշխատանքներ են իրականացվում։ Եվ ճանապարհի այս հատվածը պլանավորում ենք շահագործման հանձնել 2027 թվականի տարեվերջին կամ 2028 թվականի տարեսկզբին՝ կախված եղանակային պայմաններից»,- նշեց նա։
Մանրամասները՝ տեսանյութում
Կարդացեք նաև
Դավիթ Խուդաթյանի խոսքով՝ «Հյուսիս-հարավ»-ի՝ Սյունիքի մարզով անցնող հատվածն այս պահին ակտիվ շինարարական փուլում է։ Իսկ այն հատվածներում, որտեղ դեռ շինարարություն չի ընթանում, նախատեսվում է շինարարության մեկնարկը տալ 2026-ի ընթացքում։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
