Հակակոռուպցիոն քաղաքացիական դատարանում, դատավոր Նարինե Ավագյանի նախագահությամբ, ընդդեմ Ռոբերտ Քոչարյանի եւ մյուսների՝ ապօրինի ծագում ունեցող գույքի բռնագանձման պահանջի վերաբերյալ այսօրվա դատական նիստում պետք է քննարկվեր հայցի առարկայի հիմքի փոփոխությունը, որը դատախազությունն էր արել՝ միավորելով երկու հայցերը ու նաեւ հիմքերն էր փոխել։
Սակայն նախորդ նիստում բացահայտվել էր, որ դատավարության մասնակիցներից մեկը մահացել է եւ դատախազությունը պետք է այս ընթացքում պարզեր մահացածի իրավահաջորդություն եղե՞լ է՝ ժառանգներ կա՞ն, ժառանգություն ընդունե՞լ են, թե չէ։ Դատախազությունը, սակայն, այդ գործողությունն ամբողջությամբ չէր կատարել։ Պարզել էր, որ դատավարության տվյալ մասնակիցը մահացել է, բայց իրավահաջորդության հարցը չէր պարզել։ Քաղաքացիական դատավարության օրենսգիրքը հստակ սահմանում է, որ մարդը մահացել է եւ իրավահաջորդության հնարավորություն է թողնում, գործը պետք է կասեցվի մինչեւ իրավահաջորդության պարզումը։
Պաշտպանության կողմի այս միջնորդությանը դատախազությունը պատասխանեց, որ այս պահին պատրաստ չէ դիրքորոշում հայտնել եւ խնդրեց դատական նիստը հետաձգել։
Կարդացեք նաև
Դատարանը նիստը հետաձգեց։ Հաջորդ նիստը նշանակվեց ապրիլի 13-ին, ժամը 15։30-ին։
Աշոտ ՀԱԿՈԲՅԱՆ
