«Մայիսի 28-ին՝ Հանրապետության օրը, Հանրապետության հրապարակում տեղի կունենա ոչ այնքան զորահանդես, որքան հաշվետվություն Հայաստանի Հանրապետության քաղաքացիներին»,- այսօրվա ասուլիսում ասաց Նիկոլ Փաշինյանը։
Նա հավելեց․ «Ընդ որում, ես ուզում եմ ասել նաեւ, որ մենք այս թեմայով աշխատում ենք եւ աշխատել ենք մեր միջազգային գործընկերների հետ։ Ընդհանրապես զորահանդեսն ինքը շատ նուրբ երեւույթ է, եւ նաեւ կարող է տպավորություն ստեղծել խաղաղության օրակարգից շեղվելու, խաղաղության օրակարգից հրաժարվելու։ Մենք աշխատում ենք, շարունակելու ենք աշխատել միջազգային հանրության մեր գործընկերների հետ, ներառյալ տարածաշրջանի երկրների հետ, որպեսզի նրանք որեւէ կերպ դա չընկալեն որպես խաղաղության օրակարգից հրաժարում»։
Մանրամասները՝ տեսանյութում
Կարդացեք նաև
Նիկոլ Փաշինյանն ասաց, որ դա առիթ է՝ նոր սպառազինությունը հանրությանը ցուցադրելու։ Ըստ նրա՝ մեծ թվով քաղաքացիներ են հերթագրվել՝ նոր սպառազինությունը տեսնելու համար, եւ իրատեսական չէ բոլորին տանել ու ցուցադրել։ Հետեւաբար, որոշել են մայիսի 28-ին Հանրապետության հրապարակում ցուցադրել սպառազինությունը։ «Ուզում եմ ասել, որ կարծում եմ՝ դա ՀՀ քաղաքացիների համար կլինի տպավորիչ տեսարան»,- ասաց նա։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
