ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի հանձնարարագրերի հիման վրա Տեսչական մարմնի Երևանի տարածքային բաժնի մասնագետների կողմից իրականացված վերահսկողական միջոցառումների ընթացքում մայրաքաղաքի երկու տարբեր հասցեներում իրականացվող բնակելի և հասարակական շենքերով թաղամասերի կառուցապատման ընթացքում բացահայտվել են քաղաքաշինական նորմերի և նախագծային փաստաթղթերի էական խախտումներ։
☑Նշված երկու դեպքում էլ կապալառու կազմակերպությունները Տեսչական մարմնի կողմից ենթարկվել են վարչական պատասխանատվության, և նրանց տրվել են խախտումների վերացման վերաբերյալ պարտադիր կատարման ցուցումներ։ Սահմանված ժամկետների ավարտից հետո Տեսչական մարմնի կողմից իրականացված կրկնակի ստուգումները սակայն փաստել են, որ տրված ցուցումները չեն կատարվել։
📝Տեսչական մարմնի կողմից միջնորդագրեր են ներկայացվել ՀՀ Կառավարության լիազոր մարմնին՝ տնտեսվարող սուբյեկտների լիցենզիաների գործողության կասեցման հարցը քննարկելու վերաբերյալ։
☑Արդյունքում Տեսչական մարմնի միջնորդության և լիցենզավորող հանձնաժողովի որոշումների հիման վրա, ՀՀ քաղաքաշինության կոմիտեի նախագահի հրամանով կասեցվել են քաղաքաշինական գործունեություն իրականացնող սուբյեկտների «Շինարարության իրականացում» լիցենզիաների համապատասխան ներդիրների գործողությունները։
Կարդացեք նաև
☑Կասեցման ժամկետ է սահմանվել մինչև արձանագրված խախտումների պատճառների ամբողջական վերացումը։
Կասեցման ժամանակահատվածում արգելվել է իրականացնել որևէ շինարարական աշխատանք, բացառությամբ այն գործողությունների, որոնք ուղղված են կասեցման պատճառների վերացմանը և անհետաձգելի անվտանգային միջոցառումների իրականացմանը։
🏗️ Հավելենք, որ Տեսչական մարմինը շարունակելու է հետևողական վերահսկողություն իրականացնել քաղաքաշինական նորմերի պահպանման և բնակչության անվտանգության ապահովման նկատմամբ։
ՀՀ քաղաքաշինության, տեխնիկական և հրդեհային անվտանգության տեսչական մարմին
